NJE SHTATORI
Sa herë vjen Një Shtatori –
Më djeg zemra dhe kraharori !
Për atë që derdha mund –
S’ pata fat ta çoj në fund !
Një Shtatorin , për çdo mot –
Po e pres me mall e lot !
Kur po i shoh kolegët me sy –
N’ rrugë për n’ shkolla që janë mësy !
Kur shoh nxënësit n’ rrugë shkollore –
Me çantë n’ krah , libra e fletore …
M’ përshëndesin si më parë –
Mirëdita , shok arsimtar !
Mallkuar qoftë gjaku i tradhtarit ,
Që më ndau mua prej ditarit !
Mallkuar qoftë trupi i ballgamit ,
Që më ndau prej pentagramit !
Mallkuar qoftë kukulla e pushtetit ,
Që më ndau prej aktivitetit !
Mallkuar qoftë ai shpirt i zi ,
Që më ndau prej nxënësve t’ mi !
Kush ma ndali këngën në fyt –
Ia qorroftë Zoti , dy sytë !
Mallkuar qoftë pjella e Serbisë ,
Që m’i ndali këngët e LIRISË !
Mallkuar qoftë shtriga e përrenjve ,
Që m’i ndali këngët e heronjve !
Mallkuar qoftë ai që për dhunë –
Në pleqëri më la pa punë !
Leave a Reply